ബെംഗളൂരു : മല്ലേശ്വരത്തെ വയലികാവലിൽ ഉള്ള സിപിഐയുടെ സംസ്ഥാന കമ്മിറ്റി ഓഫീസ് അജ്ഞാതർ തീയിട്ടു നശിപ്പിച്ചു.
ഇന്നലെ അർദ്ധരാത്രിയോടെ ബൈക്കിലെത്തിയ സംഘമാണ് ഓഫീസ് പെട്രോളൊഴിച്ച് കത്തിച്ചത്.
പുറമെ നിർത്തിയിട്ടിരുന്ന 6 ഇരുചക്രവാഹനങ്ങൾ കത്തി നശിച്ചു. ഒരു കുടുംബത്തിലെ നാലുപേരും 5 പാർട്ടി മെമ്പർമാരും ഓഫീസിൽ ഉണ്ടായിരുന്നു എങ്കിലും ആർക്കും അപകടം സംഭവിച്ചിട്ടില്ല.
ഉടൻ തന്നെ തീയണക്കാനുള്ള ശ്രമങ്ങൾ നടത്തുകയും പോലീസിനെ അറിയിക്കുകയും ചെയ്തു.
പോലീസ് അന്വേഷണമാരംഭിച്ചു, സമീപ വീടുകളിലെ സി.സി.ടി.വി ദൃശ്യങ്ങളും ശേഖരിച്ചിട്ടുണ്ട്.
” ഇത് ജനാധിപത്യത്തിന്റെ മേലുള്ള അക്രമണമാണ്, പ്രതികരിക്കാനുള്ള അവകാശത്തിന്റെ മേലുള്ള അക്രമം”സി പി ഐ ബെംഗളൂരു ജില്ലാ അസിസ്റ്റൻറ് സെക്രട്ടറി പ്രതികരിച്ചു.
” സി.എ.എക്കും എൻ.ആർ.സിക്കും എതിരെയുള്ള ഞങ്ങളുടെ പ്രക്ഷോഭവുമായി ഇതിന് നേരിട്ട് ബന്ധമുണ്ട്” അദ്ദേഹം കൂട്ടിച്ചേർത്തു.
ആക്രമണ സംഭവത്തിന് അപലപിച്ചു കൊണ്ട് ഇന്ന് വൈകുന്നേരം മല്ലേശ്വരം സർക്കിളിൽ പ്രതിഷേധ പ്രകടനം നടത്തുമെന്ന് പാർട്ടി അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
